Day.az-ի փոխանցմամբ՝ Ադրբեջանի նախագահ Իլհամ Ալիեւը հանդես է եկել Ադրբեջանի` 2016 թվականի ամառային Օլիմպիական խաղերի անցկացման թեկնածու առաջադրելու նախաձեռնությամբ: Ադրբեջանի երիտասարդության եւ սպորտի նախարար Ազադ Ռահիմովն էլ ասել է, թե ադրբեջանցի մարզիկներն արդեն սկսել են նախապատրաստվել 2008 թվականին Պեկինում կայանալիք Օլիմպիադային: Ավարտվող տարին մարզական առումով ռեկորդային է եղել Ադրբեջանի համար, որի ներկայացուցիչները տարբեր մրցումներում նվաճել են 281 մեդալ:
