Նախօրեին երեկոյան Թուրքիայի հարավարեւելյան Գազիանտեպ նահանգում քիմիական գործարանում բռնկված հրդեհի հետեւանքով զոհվել է 2 եւ վիրավորվել 35 մարդ, որոնցից 3-ը ծանր վիճակում են: Ըստ թուրքական «Չիհան» լրատվական գործակալության, մեծ քանակությամբ դյուրավառ նյութերի առկայության պատճառով կրակն արագորեն տարածվել է դեպի մերձակա գործարանները: Մինչ հրշեջները մարելիս են եղել կրակը, նոր պայթյունները խանգարել են նրանց, եւ հրդեհը տարածվել է շրջակա 20 շենքերում՝ ավերելով դրանք: Հրդեհի մարումը տեւել է 4,5 ժամ:
