Ըստ վրացական «Քվիրիս պալիտրա» թերթի, Վրաստանի հարավում տեղի ունեցած «Կավկասիոնի 2006» լայնամասշտաբ զորավարժության ընթացքում զոհվել է երեք զինծառայող: Զինավարժության ընթացքում, որը սկսվել է մայիսի վերջին եւ կավարտվի հուլիսի 15-ին, մի զինծառայող զոհվել է գետանցման վարժանքի հետեւանքով: Երկրորդ զինծառայողը մահացել է հրազենային վնասվածքից, որը ստացել է զենքի հետ անզգույշ գործողության հետեւանքով: Երրորդ զինծառայողը զոհվել է զրահատեխնիկայի երթի հետեւանքով տեղի ունեցած դժբախտ պատահարից:
