Երվանդ Զախարյանը երեւանցիներին կոչ է անում քաղաքային եւ թաղային համայնքների հետ միասին քաղաքը մաքուր պահելու համար ամենօրյա աշխատանք կատարել: «Ես ուղղակի խնդրում եմ, ուղղակի կոչ եմ անում, որ բոլորս քաղաքը մաքուր պահենք»,- ասաց նա՝ մարդկանց ուշադրությունը հրավիրելով փողոցների, մայթերի, սիզամարգերի, անգամ ծառերի վրա վխտացող պոլիէթիլենային տոպրակների վրա: «Եթե քաղաքը մաքուր պահենք, կարող ենք ինքներս խիստ պահանջ դնել, թե ինչու ժամանակին աղբահանություն չեն կատարում: Եկե՛ք պատասխանատվությունը չգցենք մեր վրայից, որովհետեւ բոլորս ենք պատասխանատու քաղաքի մաքրության համար»,- հայտարարեց նա՝ միեւնույն ժամանակ նշելով, որ շուտով ձեռք է բերվելու կոմունալ ծառայությունների համար նախատեսված տեխնիկա:
