Երեկ ՀՀ պաշտպանության նախարար Սերժ Սարգսյանն ընդունել է ՀՀ-ում ԱՄՆ-ի արտակարգ եւ լիազոր դեսպան Ջոն Էվանսի գլխավորած պատվիրակությանը: Դեսպանը նախարարին հանձնել է պաշտպանական գնահատման վերջնական փաստաթուղթը, որի համաձայն` ԱՄՆ-ի պաշտպանության դեպարտամենտի մասնագետները բարձր են գնահատել հայկական բանակի պրոֆեսիոնալ մակարդակը: Ս. Սարգսյանը դեսպանին խնդրել է իր շնորհակալությունները փոխանցել ամերիկացի մասնագետներին` իրականացրած աշխատանքների եւ ՀՀ զինված ուժերին նման գնահատականի արժանացնելու համար:
