Բալթիկ ծովի Ռյուգեն կղզում մի քանի օր առաջ հայտնաբերված սատկած կարապների հետազոտման նախնական արդյունքները ցույց են տվել, որ երկու թռչունն էլ վարակված են եղել մարդու համար վտանգավոր H5N1 թռչնագրիպի վիրուսով: Այս մասին փետրվարի 14-ի երեկոյան հայտնել է Գերմանիայի գյուղատնտեսական գերատեսչության ներկայացուցիչը:
Այն շրջանում, որտեղ հայտնաբերվել են սատկած թռչունները, խիստ կարանտինային կարգ է սահմանվել, արգելված է փակ տարածքներից դուրս թռչուն պահելը:
Երկրի տարածքում թռչնագրիպի առաջին դեպքի հավանականության մասին են հայտարարել նաեւ Ավստրիայի իշխանությունները: «Ֆրանսպրեսի» տվյալների համաձայն` Ավստրիայի հարավում` Գրատց քաղաքի շրջանում, հայտնաբերվել են սատկած թռչուններ, որոնց մոտ եղել է H5N1 վիրուսի ախտանիշ: