Երեկ Ոստիկանության Մաշտոցի բաժնի աշխատակիցներին Երեւան քաղաքի Ոստիկանության վարչության պետի օպեր գծով տեղակալ, Ոստիկանության գնդապետ Աշոտ Միրիջանյանը ներկայացրել է Ոստիկանության Մաշտոցի բաժնի նոր պետին: Ինչպես տեղեկացրել է ֆոտոլրագրող Գագիկ Շամշյանը, նախօրեին ՀՀ ոստիկանապետ Վլադիմիր Գասպարյանի հրամանով աշխատանքից ազատվել եւ կադրերի ռեզերվ է վերցվել Ոստիկանության Մաշտոցի բաժնի պետ, գնդապետ Ավետիք Աբրահամյանը: ՀՀ ոստիկանապետի մեկ այլ հրամանով այդ պաշտոնին նշանակվել է Ոստիկանության փոխգնդապետ Մհեր Ավագյանը, ով մինչ այդ եղել է կադրերի ռեզերվում: ՀՀ ոստիկանապետի մեկ այլ հրամանով Ոստիկանության գնդապետ Եգոր Անտոնյանը ազատվել է Ոստիկանության Արարատի մարզային վարչության պետի օպերգծով տեղակալի պաշտոնից: Այդ պաշտոնում նշանակվել է Ոստիկանության փոխգնդապետ Սերգեյ Գալստյանը: ՀՀ ոստիկանապետի մեկ այլ հրամանով աշխատանքից ազատվել եւ կադրերի ռեզերվ է վերցվել Ոստիկանության Արտաշատի բաժնի պետ, Ոստիկանության գնդապետ Արամ Հովհաննիսյանը: Ոստիկանապետի մեկ այլ հրամանով Ոստիկանության փոխգնդապետ Լաերտ Գրիգորյանը նշանակվել է Ոստիկանության Արտաշատի բաժնի պետ, ով մինչ այդ եղել է Ոստիկանության կադրերի ռեզերվում:
