Երեկ առավոտյան Արմավիրի մարզի Սարդարապատ գյուղում միջադեպ է տեղի ունեցել, որի ընթացքում հնչել են կրակոցներ, ինչի հետեւանքով ծանր վնասվածքներով Արմավիրի հիվանդանոց են տեղափոխվել 30-ամյա Սամվել Պողոսյանը եւ 29-ամյա Առնակ Կուրղինյանը: news.am-ի փոխանցմամբ` ոմն Սամսոն Պողոսյան եւ ՀՀԿ-ական պատգամավոր Նահապետ Գեւորգյանի որդին թիվ 21 ընտրատարածքի մեծամասնական ընտրակարգով առաջադրված պատգամավորի թեկնածու Մերուժան Մխոյանի հետ Սարդարապատ գյուղում, գերեզմանների մոտ վեճի են բռնվել: Փաստի առթիվ հարուցվել է քրեական գործ` Քրեական օրենսգրքի 112 հոդվածի 1-ին մասի հատկանիշներով: Նշանակվել է դատաբժշկական փորձաքննություն, կատարվում է նախաքննություն: Ոստիկանությունը երեկ տեղեկացրել է, որ դեռեւս ձերբակալվածներ չկան:
