Հայաստանում մարտի 6-9-ը սպասվում է առավելապես առանց տեղումների եղանակ: Մարտի 6-ին երեկոյան ժամերին եւ 8-ի գիշերը, սակայն, հյուսիսային առանձին շրջաններում հնարավոր են թույլ տեղումներ: ՀՀ ԱԻՆ մամուլի ծառայության փոխանցմամբ` մարտի 10-ին շրջանների զգալի մասում սպասվում են տեղումներ, լեռնային եւ նախալեռնային շրջաններում` ձյուն, հովտային շրջաններում` թաց ձյուն եւ ձնախառն անձրեւ: Օդի ջերմաստիճանը մարտի 6-ի գիշերը կնվազի` 3-5, իսկ մարտի 7-9-ը` աստիճանաբար կբարձրանա 5-7: Մարտի 10-ի գիշերը` եւս 3-5 աստիճանով, իսկ ցերեկը ջերմաստիճանը կնվազի 6-8 աստիճանով:
Երեւանում, մարտի 6-9-ին սպասվում է առանց տեղումների եղանակ, մարտի 10-ին ժամանակ առ ժամանակ սպասվում են տեղումներ: