Վրաստանում լրտեսության մեղադրանքով կալանավորված երեք ֆոտոլրագրողներից Գիորգի Աբդալաձեն, թերթերից մեկի միջոցով դիմելով նախագահ Միխայիլ Սահակաշվիլիին, հայտարարել է, որ ինքն ու գործընկերները հակաօրինական ոչինչ չեն արել, եւ որ ինքը շարունակելու է հացադուլը: Հիշեցնենք, որ Միխայիլ Սահակաշվիլիի անձնական լուսանկարիչ Իրակլի Գեդենիձեն, Վրաստանի արտգործնախարարության լուսանկարիչ Գիորգի Աբդալաձեն եւ եվրոպական ֆոտոգործակալություններից մեկի ֆոտոթղթակից Զուրաբ Կուրցիկիձեն մեղադրվում են օտարերկրյա հատուկ ծառայություններին տեղեկություններ փոխանցելու մեջ` ի վնաս Վրաստանի շահերի: Մեղադրանքի հաստատվելու դեպքում ֆոտոլրագրողներին սպառնում է մինչեւ 12 տարվա ազատազրկում:
