ԱՄՆ նախագահ Բարաք Օբաման հեռախոսով շնորհավորել է Թուրքիայի վարչապետ Ռեջեփ Թայիբ Էրդողանին հունիսի 12-ին կայացած խորհրդարանական ընտրություններում տարած հաղթանակի կապակցությամբ: Ըստ թուրքական «Անադոլու» գործակալության, Օբաման ասել է. «Շնորհավորում եմ Ձեզ պատմական ընտրությունների հաղթանակի կապակցությամբ»: Նա նաեւ հույս է հայտնել, որ ԱՄՆ-ի եւ Թուրքիայի միջեւ առկա դրական հարաբերությունները հետագայում էլ ավելի կզարգանան եւ կամրապնդվեն:
