Ռուսաստանում` Վլադիվոստոկի մոտ, երեկ Սու-27 ռազմական օդանավ է կործանվել: «Նովոստի» լրատվական գործակալությանը ՌԴ պաշտպանության նախարարությունից տեղեկացրել են, որ Սու-27-ը վայր է ընկել վարժական թռիչքի ժամանակ: Նախնական տվյալներով` օդաչուն հասցրել է կատապուլտի դիմել եւ տեղափոխվել է հիվանդանոց: Ավիաաղետի վայրում զոհեր եւ ավերածություններ չկան: Ներկայումս քննություն է ընթանում` պարզելու պատահարի պատճառները:
