Հանրահայտ կինոռեժիսոր Սթիվեն Սպիլբերգը պատրաստվում է ֆիլմ նկարահանել «Wikileaks»-ի հիմնադիր Ջուլիան Ասսանժի մասին: Սպիլբերգին պատկանող «DreamWorks studio» պրոդյուսերական ընկերությունը բրիտանական «Գարդիան» թերթի լրագրողներից գնել է նրանց հրատարակած «Ասսանժ. պատերազմ կոնֆիդենցիալ ինֆորմացիայի դեմ» գրքի էկրանավորման հեղինակային իրավունքները: Այս օրերին միանգամից մի քանի ֆիլմ է նկարահանվում, որոնց կենտրոնում մեր ժամանակի հերոս Ջուլիան Ասսանժի կերպարն է: Խորհրդանշական է, որ հերոսներն այսօր ոչ միայն մեծարվում, այլեւ` դատվում են:
