Արտակարգ իրավիճակների նախարարության տարածած հաղորդագրության համաձայն, երեկ ժամը 9:00-ի դրությամբ Հայաստանում փակ եւ դժվարանցանելի էին մի շարք ավտոճանապարհներ: Ըստ այդմ, անանցանելի են Գեղարքունիքի մարզի Սելիմի լեռնանցք, Սյունիքի մարզի Գորիս-Սիսիան, Շիրակի մարզի Զարիշատ, Ալվար ավտոճանապարհները: Դժվարանցանելի են Լոռու մարզի Տաշիր-Գոգավան, Գեղարքունիքի մարզի Լեռնահովիտ-Մադինա, Ճամբարակ-Սեւան ճանապարհները: Նշված վայրերում աշխատել է ընդհանուր առմամբ 18 միավոր տեխնիկա` ճանապարհները ձյունից եւ սառույցից մաքրելու համար:
