«Մատրիցա» հանրահայտ ֆիլմի հեղինակներ Էնդի եւ Լանա Վաչովսկիները պատրաստվում էին նորովի վերապատմել ազնիվ ավազակ Ռոբին Հուդի լեգենդը: «Հուդ» անվանումն ունեցող ֆիլմում գլխավոր հերոսը սեւամորթ կլինի ու կապրի ժամանակակից մեգապոլիսում: Ենթադրվում է, որ հերոսին կմարմնավորի Ուիլ Սմիթը: Վաչովսկիները եւ սցենարի հեղինակներն են, եւ բեմադրիչները: Այլ մանրամասներ չեն հաղորդվում, սակայն կարելի է ենթադրել, որ մեր օրերում հարուստներին թալանող ու աղքատներին օգնող անգլիական առասպելական ասպետը մեծ պահանջարկ ունի: Վերջերս էկրաններ է բարձրացել Ռիդլի Սքոտի համանուն ֆիլմը, որի հերոսը Ռասել Քրոուի արտաքինն ուներ:
