Բրիտանացի հայտնի երգիչ Էլթոն Ջոնը հայտնաբերել է, որ իր ծանոթները` Three Dog Night խմբի երաժիշտները, իրեն կասկածելի ծառայություն են մատուցել: Պարզվել է, որ զվարճանքի սիրահար ընկերները Ջոնի ուտելիքի մեջ կոկաին են լցրել: Այդ քայլով նրանք 63-ամյա երգչին ցանկացել են ստիպել երեկույթի ժամանակ իր հյուրերին ավելի երկար զվարճացնել: Ջոնն ինքը, երեւում է, այդքան էլ չի տխրել։ «Ես փողոց դուրս եկա առավոտյան ութ անց կեսին եւ մտածեցի, որ առաջին անգամ է, որ այդքան ուշ եմ տուն գնում եւ այդքան լավ եմ ինձ զգում: Շատ տարօրինակ զգացողություն էր: Միայն ուշ երեկոյան այդ սրիկաները զանգահարեցին եւ խոստովանեցին իրենց հանցանքը»,- կատակելով The Sun-ին ասել է երգիչը:
