Սաուդյան Արաբիայից Ֆիլիպիններ թռչող «Gulf Air» ավիաուղիներին պատկանող ինքնաթիռի զուգարանում հայտնաբերվել է նորածին մանկիկ: «Daily Mail» պարբերականի փոխանցմամբ, երբ ինքնաթիռի աշխատակիցները մտել են վայրէջք կատարած ինքնաթիռի զուգարան` մաքրություն անելու, աղբարկղում նորածին մանկիկ են գտել: Դեպքի վայր ժամանած բուժաշխատողները զննումներ իրականացնելուց հետո հայտարարել են, որ նորածին տղայի առողջությանը ոչինչ չի սպառնում: Մանկիկին անվանել են Ջորջ Ֆրենսիս եւ այժմ փնտրում են նրա մորը, որի ինքնությունն անհայտ է:
