ՄԱԿ-ի Գլխավոր ասամբլեան առանց քվեարկության հավանության է արժանացրել Կոսովոյի վերաբերյալ Սերբիայի ներկայացրած բանաձեւը, որին միացել էին Եվրամիության անդամ բոլոր երկրները: Ընդունված փաստաթուղթը Սերբիայի եւ Կոսովոյի միջեւ ուղիղ երկխոսության կոչ է անում, ինչպես նաեւ ճանաչում է Արդարադատության միջազգային դատարանի հուլիսին կայացրած որոշումը, համաձայն որի` Կոսովոյի կողմից 2008թ. անկախության հռչակումը չի հակասում միջազգային օրենքներին: Սերբիայի արտգործնախարար Վուկ Յերեմիչը, նախօրեին ՄԱԿ-ում ներկայացնելով բանաձեւը, ընդգծել է, որ տվյալ նախաձեռնությունը չպետք է համարվի Կոսովոյի անկախության ճանաչում:
