ՍԴՀԿ Կենտրոնական վարչության անդամներ Վահան Շիրխանյանն ու Վարդան Խաչատրյանը խմբագրություն ուղարկած նամակով հերքել են մեր թերթում հրապարակված այն տեղեկությունը, որի համաձայն՝ ՍԴՀԿ ԿՎ նշված երկու անդամների միջեւ վերջին շրջանում հարաբերությունները սրվել են: «Հայտնում ենք Ձեզ, որ Ձեր աղբյուրները ստել են, իսկ ՍԴՀԿ-ում առկա մթնոլորտը մշտապես եղել եւ մնում է գործնական եւ ընկերային հիմքերի վրա»,- նշված է նրանց նամակում: Այդուհանդերձ, եւս մեկ անգամ նշենք, որ ըստ լավատեղյակ աղբյուրների, նրանց հարաբերություններում իսկապես որոշակի հակասություն կա, եւ դրա մասին հրապարակավ հերքումը նաեւ դրա վկայությունն է:
