Մայիսի 31-ին, ժամը 03:47-ին Բագրատունյաց պողոտայում` Երեւանյան լճին հարակից տարածքում, տեղի է ունեցել ավտովթար: Ժամը 03:48-ին դեպքի վայր է մեկնել Փրկարարական ուժերի վարչության հատուկ փրկարարական ջոկատի հերթապահ խումբը: Տեղում պարզվել է, որ, դեռեւս չպարզված հանգամանքներում, ՎԱԶ-2106 մակնիշի 14 ՕՍ 301 պետհամարանիշի ավտոմեքենան դուրս է եկել ճանապարհի երթեւեկելի մասից, բախվել ճամփեզրին կայանած «ԿամԱԶ» մակնիշի ավտոմեքենային: Փրկարարների օգնությամբ ավտոմեքենայից դուրս է բերվել վարորդ, 18-ամյա Մանուկ Ապրեսյանը եւ շտապօգնության մեքենայով տեղափոխվել Երեւանի «Էրեբունի» բժշկական կենտրոն: Ըստ բժշկի` Մ. Ապրեսյանի վիճակը գնահատվում է ծանր:
