Հայաստանի ամերիկյան շրջանավարտների ասոցիացիան եւ ՀՀ-ում ԱՄՆ դեսպանատունը հրավիրում են Հայաստանի բոլոր ամերիկյան շրջանավարտներին* եւ ԱՄՆ հաստատություններում այժմ սովորողներին մասնակցելու հունիսի 13-ին ՀՀ-ում ԱՄՆ դեսպանատան Գիլմոր մարզադաշտում ու հարակից տարածքում կազմակերպվող սոցիալական միջոցառմանը, որը կուղեկցվի ֆուտբոլի, բասկետբոլի, վոլեյբոլի եւ մեծ թենիսի խաղերով: Միջոցառմանը կարող եք մասնակցել ձեր ընտանիքի անդամների հետ: Փոքր երեխաները կարող են խաղալ խաղահրապարակում: Եթե ցանկանում եք մասնակցել սպորտային խաղերից որեւէ մեկին, ապա բերեք սպորտային համազգեստ, իսկ եթե ոչ, ապա համեցեք խրախուսելու խաղացողներին ու ծանոթանալու այլ շրջանավարտների հետ: Մուտքն անվճար է` նախնական գրանցմամբ: Մասնակցելու համար խնդրում ենք 3-5 տողի սահմաններում Alumni վերնագրով անգլերեն կամ հայերեն լեզուներով ձեր մասին նամակ ուղարկել usarmalum@yahoo. com էլ. փոստի հասցեին: Խնդրում ենք նշել նաեւ այն ծրագրի անվանումը, որի շրջանակներում այցելել եք ԱՄՆ, ինչպես նաեւ գրել բոլոր այն մարդկանց անունները, ովքեր ձեզ ուղեկցելու են միջոցառման ժամանակ: Գրանցման վերջնաժամկետն է 2010թ. հունիսի 5-ը:
* Բոլոր նրանք, ովքեր ԱՄՆ-ում մասնակցել են ցանկացած կարճաժամկետ կամ երկարաժամկետ մասնագիտական կամ կրթական ծրագրի, համարվում են ամերիկյան շրջանավարտներ եւ գրանցվելով կարող են մասնակցել այս միջոցառմանը: