Բելառուսի նախագահ Ալեքսանդր Լուկաշենկոն հայտարարել է, որ պատրաստ է իր երկրում ընդունել Ղրղըզստանի պաշտոնանկ արված նախագահ Կուրմանբեկ Բակիեւին: «Եթե Բակիեւը ցանկանա գալ Բելառուս, թեկուզ` այսօր, թեկուզ` վաղը կամ մյուս օրը, մենք պատրաստ ենք այստեղ նրան ընդունել որպես ամենաթանկ հյուրի, որպես իմ գործընկերոջ»,- ասել է Լուկաշենկոն: «Ես կրկնում եմ` սա իմ անձնական որոշումն է` որպես երկրի ղեկավար, եւ ես ունեմ այդ իրավունքը: Թող ինձ դատեն կամ չդատեն, բայց մարդկանց դավաճանելը այս աշխարհում ամենաամոթալի արարքն է»,- ընդգծել է Բելառուսի նախագահը: Նշենք, որ Ղրղըզստանի նախագահի պաշտոնից անցած շաբաթավերջին հրաժարական տված Բակիեւը այժմ գտնվում է Ղազախստանում:
