Երեկ երկօրյա այցով Անկարա է ժամանել Գերմանիայի կանցլեր Անգելա Մերկելը: Թուրքական Ankara գործակալության փոխանցմամբ` Մերկելին եւ նրա գլխավորած պատվիրակությանը, որի կազմում են Գերմանիայի միգրացիայի եւ ինտեգրացիայի հարցերով պետնախարար Մարիա Բյոհմերը, Գերմանիայի բոլոր կուսակցությունների եւ խոշոր ձեռնարկությունների ներկայացուցիչները, օդանավակայանում դիմավորել են Թուրքիայի պետնախարար եւ ԵՄ անդամակցության բանակցություններում գլխավոր բանագնաց Էգեմեն Բաղըշը, Անկարայի նահանգապետ Քեմալ Օնալը եւ Անկարայում Գերմանիայի դեսպան Էքարտ Կունցը: Թուրքիայում Գերմանիայի կանցլերը հանդիպելու է Թուրքիայի նախագահ Աբդուլլահ Գյուլի եւ վարչապետ Ռեջեփ Թայիբ Էրդողանի հետ: Հանդիպումների ընթացքում, երկկողմ հարաբերություններից բացի, քննարկվելու են նաեւ Մերձավոր Արեւելքին, Իրանին, կիպրական հիմնախնդրին եւ հայ-թուրքական հարաբերություններին առնչվող հարցեր:
