ԱՄՆ Պետական դեպարտամենտը դադարեցրել է Ադրբեջանում ԱՄՆ դեսպանի պաշտոնում Մեթյու Բրայզայի թեկնածությունը հաստատելու ընթացակարգը: Այս մասին NEWS.am-ին հայտնի է դարձել ամերիկյան դիվանագիտական աղբյուրներից:
Հիշեցնենք, որ Մեթյու Բրայզան մինչեւ այս տարվա սեպտեմբեր զբաղեցնում էր ԵԱՀԿ Մինսկի խմբի ամերիկացի համանախագահի պաշտոնը եւ միաժամանակ ԱՄՆ պետքարտուղարի տեղակալի օգնականն էր: Ամիսներ շարունակ լրատվամիջոցները հաղորդում էին, որ Բրայզան նշանակվելու է Ադրբեջանում ԱՄՆ դեսպան: Ինքը՝ Բրայզան, այս կապակցությամբ ասել էր, որ իրեն հարազատ է Հարավային Կովկասը, եւ ինքը կողմ կլիներ աշխատել այստեղ: Հիշեցնենք նաեւ, որ արդեն մոտ 4 ամիս է, որ Ադրբեջանում ԱՄՆ դեսպանի պաշտոնը թափուր է: