Ռեժիսոր Ռոջեր Կուպելյանը Հոլիվուդում կնկարահանի «Բյուզանդիայից դեպի արեւելք կամ Մամիկոնյանի պայքարը հանուն հավատքի» ֆիլմը, որը պատմում է 451թ. Ավարայրի ճակատամարտի մասին: Ֆիլմի նկարահանումներին օժանդակելու պատրաստակամություն է հայտնել Համահայկական բարեգործական միությունը: Իսկ ֆիլմի սաունդտրեկը գրելու է «System of a Down» խմբի մենակատար Սերժ Թանգյանը: Ռ. Կուպելյանը մասնակցել է հոլիվուդյան մի քանի ֆիլմերի նկարահանումներին, ինչպիսիք են` «Չառլի Վիլսոնի պատերազմը», «Մատանիների տիրակալը», «Պատերազմ», «Տերմինատոր-4», եւ այլն:
