«Բիթըլզ» խմբի անդամ, սըր Պոլ ՄաքՔարտնին որոշել է երաժշտություն գրել անիմացիոն ֆիլմի համար, որի հիմքում կլինի «Բարձր ամպերի մեջ»` «High in the Clouds» հեքիաթը: 2005 թվականին լույս տեսած փոքրիկ սկյուռիկ Ուռալի մասին պատմող այս հեքիաթը Պ.ՄաքՔարտնին գրել է մանկագիր Ֆիլիպ Արդի հետ միասին: Իսկ այժմ որոշվել է հեքիաթը լիամետրաժ մուլտֆիլմ դարձնել: Պոլ ՄաքՔարտնին մի քանի անգամ արդեն մասնակցել է մուլտֆիլմերի սաունդտրեկերի ստեղծմանը, եւ այդ գործը շատ հետաքրքիր է համարում:
