Ֆրանսիացի հայտնի ֆուտբոլային աստղ Զինեդին Զիդանի` Ադրբեջան սպասվելիք այցը չի կայանա: Այդ մասին «Day.az»-ին հաղորդել է Բաքվի ֆուտբոլի ֆեդերացիայի փոխնախագահը: Ըստ նրա, Զիդանի այցի համար նախատեսված հոնորարի չափի շուրջ կողմերը համաձայնության չեն եկել: «Սակայն, եթե Զիդանը համաձայներ նույնիսկ անվճար գալ, ապա միայն նրա այցն արդեն իրենից մեծ ծախսեր է ենթադրում: Այդ իսկ պատճառով, հաշվի առնելով ֆինանսական ճգնաժամը, նրա այցը Բաքու տեղի չի ունենա այս տարի»,- ասել է նա:
