Հանրահայտ երգիչ Փիթեր Գաբրիելը հրաժարվել է մասնակցել «Օսկար» մրցանակաբաշխությանը՝ պատճառաբանելով, որ չի ցանկանում իր գրած երգն աղավաղել։ «Օսկարի» կազմակերպիչները «Ֆիլմի լավագույն երգ» անվանակարգի մասնակիցներին երգը կատարելու համար ընդամենը 1 րոպե են հատկացրել, ինչը, ըստ Գաբրիելի՝ ստորացուցիչ է։ Նա «Վալլ-Ի» անիմացիոն ֆիլմում հնչող «Down to Earth» երաժշտական կոմպոզիցիայի հեղինակն է։ Այդ մուլտֆիլմը հաղթելու մեծ շանսեր ունի, այն պատմում է փխրուն, մարդասեր ու շատ էմոցիոնալ փոքրիկ ռոբոտի մասին, ում ջանքերով էլ մարդիկ հիշում են, որ իրենք մարդիկ են, այլ ոչ թե՝ բութ ու շատակեր էակներ, եւ մի գեղեցիկ օր որոշում են փրկել իրենց Երկրագունդը։
