Բնականաբար, Նոր տարվա սեղանն անհնար է պատկերացնել առանց տարբեր տեսակի ալկոհոլային խմիչքների: Հնարավո՞ր է արդյոք համատեղել օգտակարն ու հաճելին` խմել, բայց չհարբել: Իհարկե հնարավոր է: Ահա, թե ինչ պետք է անել դրա համար: Պետք է սահմանափակվել ալկոհոլային խմիչքի մեկ տեսակով, եւ երբեք չի կարելի խառնել ալկոհոլային խմիչքները: Հակառակ դեպքում` ամենաքիչը գլխացավն ապահովված է: Հնարավորության սահմաններում խուսափեք քաղցր ու կիսաքաղցր գինիներից: Բանն այն է, որ դրանք ստամոքսում կարող են խմորում առաջացնել, ինչը տհաճ զգացողությունների պատճառ կարող է հանդիսանալ: Հենց այս պատճառով էլ խորհուրդ չի տրվում ալկոհոլից հետո խմել տարբեր լիմոնադներ ու հանքային ջրեր: Կարելի է պարզապես ոչ քաղցր հյութ կամ չգազավորված հանքային ջուր խմել: Չհարբելու համար խմելու ընթացքում պետք է բարձր կալորիականությամբ սննդամթերք ուտել, օրինակ` շատ յուղոտ: Յուղոտ մթերքն ընկնելով ստամոքս` դանդաղեցնում է մարսողությունը, հետեւաբար եւ` ալկոհոլն արյան մեջ դանդաղ է ներծծվում: Չեք հարբի, եթե մինչեւ առաջին բաժակը խմելը ուտեք մի փոքրիկ բուտերբրոտ` սովորական կարագով: Մասնագետները խորհուրդ են տալիս որպես պրոֆիլակտիկ միջոց՝ օգտագործել պահածոյացված բանջարեղենը: Խմիչքի ազդեցությունը կարելի է թեթեւացնել նաեւ սոխի միջոցով: Նման դեպքերում օգնում է չորացրած ազնվամորու պտուղների թուրմը: Իսկ եթե ձեռքի տակ չունեք թվարկվածներից ոչ մեկը, ապա կարելի է խմել շատ թունդ թեյ կամ սուրճ:
