Ադրբեջանի նախագահ Իլհամ Ալիեւի կարգադրությամբ նախատեսվում է երկրում տիեզերական արդյունաբերության ստեղծում եւ ուղեծիր հեռահաղորդակցական արբանյակների դուրսբերում: Ադրբեջանում տիեզերական արդյունաբերության ստեղծման նպատակով Ալիեւը Նախարարների կաբինետին հանձնարարել է եռամսյա ժամկետում պատրաստել եւ ներկայացնել Տիեզերական արդյունաբերության ստեղծման եւ զարգացման պետական ծրագիր, ինչպես նաեւ՝ լուծել կարգադրությունից բխող այլ հարցեր: Կապի եւ տեղեկատվական տեխնոլոգիաների նախարարությանը հանձնարարված է իրականացնել այն համապատասխան միջոցները, որոնք կապված են Ադրբեջանի հեռահաղորդակցական արբանյակների ուղեծիր դուրսբերման հետ: Առաջիկա տարիներին Ադրբեջանը պլանավորում է ուղեծիր դուրս բերել երկու արբանյակ:
