Հոկտեմբերի 14-ին հրդեհ է բռնկվել «Զվարթնոց» օդանավակայանին հարակից` «Արմավիա» ՓԲԸ-ի վարչական շենքում: Ըստ ՀՀ Արտակարգ իրավիճակների նախարարության Հայաստանի Փրկարար ծառայության տեղեկատվության եւ հասարակայնության հետ կապերի բաժնի, դեպքի վայր է մեկնել 2 մարտական հաշվարկ: Մինչ հրշեջ-փրկարարների ժամանումը, հրդեհը մարվել է օդանավակայանի հրշեջ ծառայության ուժերով: Այրվել են հրահանգիչների սենյակը` 20 քմ մակերեսով, համակարգիչներն ու տնտեսական իրերը:
