Երեւանի Բուսաբանական այգու տարածքում օգոստոսի 28-ին հրդեհ է բռնկվել: ՀՀ Արտակարգ իրավիճակների նախարարության Հայաստանի Փրկարար ծառայության տեղեկատվության եւ հասարակայնության հետ կապերի բաժնի փոխանցմամբ` դեպքի վայր է մեկնել չորս մարտական հաշվարկ: Հրդեհը մեկուսացվել է ժամը 17:26-ին, մարվել` 18:07-ին: Նույն օրը ժամը 15:35-ին հրդեհ է բռնկվել Երեւան-Սեւան մայրուղու 55 կմ-ին հարակից տարածքում: Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 15:56-ին, մարվել` 17:15-ին: Այրվել է 2 հա հնձած արտ: Տավուշի մարզի Կողբ գյուղի թիվ 2 միջնակարգ դպրոցին հարակից տարածքում օգոստոսի 28-ին, ժամը 23:24-ին հրդեհ է բռնկվել: Դեպքի վայր է մեկնել մեկ մարտական հաշվարկ: Այրվել է 2500 քմ մակերեսով խոտատարածք: Համայնքի ղեկավար Արսեն Աղաբաբյանի հավաստմամբ` դպրոցը վնաս չի կրել: Նույն օրը, ժամը 16:08-ին հրդեհ է բռնկվել նաեւ Կոտայքի մարզի Գեղադիր գյուղում: Այրվել են 10 հա խոտ եւ թփուտներ:
