Վրաստանի լեյբորիստական կուսակցության նախագահ Շալվա Նաթելաշվիլին երեկ հայտարարել է, որ պատերազմի ու ողբերգության օրերին երկրի իշխանական վերնախավը Վրաստանից «միլիարդավոր դոլարներ եւ իրենց ընտանիքների անդամներին տեղափոխել են Բահամյան ու Կանարյան կղզիներ»: Այդ կապակցությամբ կուսակցությունը ստեղծել է հատուկ հանձնաժողով, որը կուսումնասիրի եւ կստուգի ռազմական գործողությունների օրերին յուրաքանչյուր պաշտոնյայի գտնվելու վայրը: Նրա խոսքով` պատերազմի ելքը հիմնականում կախված է իշխանական վերնախավի պահվածքից: «Վրաստանի բարձրագույն ղեկավարներն իրենց ամոթալի պահեցին, եւ մենք դա անպատիժ չենք թողնի»,- հայտարարել է նա: Նաթելաշվիլին նաեւ հետաքրքրվել է, թե որտեղ են գտնվում Վրաստանի նախագահի եղբայրներն ու երեխաները:
