Երեկ Անկարա է ժամանել Ադրբեջանի վարչապետ Արթուր Ռասիզադեի գլխավորած կառավարական պատվիրակությունը: Այցի շրջանակներում նախատեսված են հանդիպումներ Թուրքիայի նախագահ Աբդուլա Գյուլի, վարչապետ Ռեջեփ Էրդողանի եւ խորհրդարանի նախագահ Քոքսալ Թոփթանի հետ: Ըստ «Թրենդ» գործակալության, հանդիպումների ժամանակ քննարկվելու են տնտեսական ոլորտում թուրք-ադրբեջանական համագործակցության հեռանկարները, այդ թվում՝ Բաքու-Թբիլիսի-Էրզրում գազամուղի եւ Բաքու-Թբիլիսի-Կարս երկաթուղու նախագծերին, երկու երկրների միջեւ ապրանքաշրջանառության ծավալների ընդլայնմանն առնչվող հարցեր:
