Թուրքմենստանի նախագահ Ղուրբանղուլի Բերդիմուհամեդովի՝ Ադրբեջան կատարած պաշտոնական այցի շրջանակներում երեկ Բաքվում յոթ համաձայնագիր է ստորագրվել: Դրանց թվում են առեւտրաարդյունաբերական պալատների, Ֆինանսների նախարարությունների միջեւ համագործակցության համաձայնագրերը, երկու երկրների Արտգործնախարարությունների համագործակցության մասին արձանագրությունը, միջազգային համակցված բեռնափոխադրումների, միջազգային ավտոմոբիլային փոխադրումների, ստանդարտացման, չափաբանության եւ հավատարմագրման բնագավառում համագործակցության, երիտասարդության եւ սպորտի բնագավառում համագործակցության մասին համաձայնագիրը: Փաստաթղթերը ստորագրվել են Ադրբեջանի եւ Թուրքմենստանի նախագահների դեմ առ դեմ եւ ընդլայնված կազմով կայացած բանակցությունների արդյունքում:
