Հանրապետությունում մայիսի 12-ին տեղացած ուժեղ կարկուտի եւ մայիսի 13-ին՝ առատ ձյան հետեւանքով մասամբ վնասվել են Տաշիր քաղաքի Անի թաղամասի 3-րդ, 4-րդ, 6-րդ, 7-րդ, 10-րդ, 12-րդ շենքերի, Դպրոցի փողոցի 10-րդ, 27-րդ շենքերի, Ջուլհակյան փողոցի 8-րդ, 9-րդ, 18-րդ շենքերի տանիքները եւ 5-րդ հարկերի բնակարանները: ՀՀ Արտակարգ իրավիճակների նախարարության ՀՓԾ տեղեկատվության եւ հասարակայնության հետ կապերի բաժնի փոխանցմամբ` վնասվել են նաեւ մոտ 200 հա ցանքատարածություններ եւ բերքատու ծառեր: Մայիսի 12-ին տեղացած ուժեղ կարկտի հետեւանքով Լոռու մարզի Միխայլովկա գյուղում վնասվել են 90 հա կարտոֆիլի եւ 100-120 հա ցանքատարածություններ: Տեղացած առատ ձյան հետեւանքով Լոռու մարզի Սարչապետ գյուղում վնասվել են 40 հա կարտոֆիլի ցանքատարածքներ եւ մրգատու ծառեր:
