«Վրաստանն առանձնահատուկ երկիր է, որը կարող է ապահովել ոչ միայն իր անվտանգությունը, այլեւ զգալի ավանդ ներդնել համաշխարհային անվտանգության ապահովման գործում»: Այդ մասին Վրաստանի նախագահ Միխայիլ Սահակաշվիլին հայտարարել է Սաչխերի կենտրոնում պատրաստություն անցած սպաների պարգեւատրման՝ երեքշաբթի օրը կայացած արարողության ժամանակ: Ինչպես հայտարարել է նախագահը, այդ բազայում մեկ տարվա ընթացքում պատրաստություն են անցել «լավագույն վրացի սպաներից լավագույնները»: Նա շնորհակալություն է հայտնել ԱՄՆ-ին եւ Իսրայելին, որոնք իրենց գեներալներին են ուղարկել Վրաստան՝ պատրաստելու վրացի սպաներին:
