Արարատի մարզի Խարբերդ գյուղում` թերի զարգացած երեխաների մասնագիտացված մանկատանը, ապրիլի 6-ին` ժամը 11:50-ի սահմաններում, հրդեհ է բռնկվել: Ըստ Փրկարար ծառայության` ահազանգից անմիջապես հետո դեպքի վայր է մեկնել չորս մարտական հաշվարկ: Հրդեհը մեկուսացվել է ժամը 12:07-ին, մարվել` 12:38-ին: Մանկատան 3-րդ հարկի պատշգամբում այրվել են անկողնային պարագաներ` 4 քմ մակերեսով, եւ մեկ պատուհան: Օգնություն ցույց տալու նպատակով հրդեհի վայրում գտնվող քաղաքացի՝ 1983թ. ծնված Ա. Աղաջանյանը, դաստակի այրվածքներով տեղափոխվել է Երեւանի «Արմենիա» բժշկական կենտրոն:
