Լեոնարդո դա Վինչիի «Իլիկով տիրամայրը» նկարը, որը հափշտակվել էր 2003 թվականին, հինգշաբթի օրը հայտնաբերվել է Մեծ Բրիտանիայի Ոստիկանության հատուկ գործողության ընթացքում: Մանրամասների մասին ոչինչ չի հաղորդվում: «Իլիկով տիրամայրը», որը գնահատվում Է 25 միլիոն ֆունտ ստեռլինգ (50 միլիոն դոլար), 2003 թվականի օգոստոսին անհայտ անձինք գողացել էին Շոտլանդիայի Դամֆրիս ընդ Գելոուեյի կոմսության Դրամլանրիգի դղյակ-թանգարանից: Կտավը ցուցադրված էր դղյակի սրահում, որը բաց է հանրության այցելության համար: Երկու հանցագործներ, որոնք շենք էին մտել սովորական այցելուների տեսքով, կապկպել էին հսկիչ կնոջը, իջեցրել նկարը եւ փախել՝ հետները տանելով այն: Նկարի տերը՝ վերջերս վախճանված դուքս Բաքլիչն, իր ժամանակին 1 միլիոն ֆունտ վարձատրություն էր խոստացել նրան, ով կօգներ վերադարձնել մեծ իտալացու կտավը:
