Սեպտեմբերի 4-ին, ժամը 21:50-ի սահմաններում Արարատի մարզի Մասիս-Նուբարաշեն ավտոճանապարհին տեղի է ունեցել ճանապարհատրանսպորտային պատահար: Դեռեւս չպարզված հանգամանքներում իրար են բախվել «ԲՄՎ» մակնիշի 68 ՏԼ 346 եւ «Մոսկվիչ» մակնիշի 43 ՕՕ 915 պետհամարանիշով ավտոմեքենաները: Փրկարարների ուժերով «ԲՄՎ» մակնիշի ավտոմեքենայից դուրս են բերվել վարորդ` 1960թ. ծնված Հակոբ Հակոբյանի եւ ուղեւոր` 16-ամյա Վորոնցով Աղաջանյանի դիերը, իսկ «Մոսկվիչ» մակնիշի ավտոմեքենայի վարորդ Դերենիկ Նադրյանը վնասվածքներով տեղափոխվել է «Էրեբունի» բժշկական կենտրոն: Երեկ ժամը 23:23-ին ահազանգ է ստացվել, որ Արարատի մարզի Նարեկ-Գյոլասոր միջհամայնքային ավտոճանապարհի 5-րդ կմ-ում «ՎԱԶ-21013» մակնիշի 25 ՍՕ 732 պետհամարանիշով ավտոմեքենան ընկել է ձորը: Դեպքի վայր ժամանած փրկարարների ուժերով ավտոմեքենայից դուրս է բերվել վարորդի` 1975թ. ծնված Օնիկ Սարգսյանի դին:
